Sumala sa K-12 Education Curriculum, mas maanindot nga ihubad ta ang atong mga katuyuan sa pinulungang binisaya, o mas gitawag sa uban ug pulong bisdak. Bitaw, mas nindot kung gamiton nato ang atoang mother tongue dialect para mapakita nato ang atoang pagkakita.
Ug tuod man, magsadya ang pilipinas karong adlawa kay bisperas man sa eleksyon. Balikon ko, bisperas sa eleksyon. Unya sa, dili diay bisperas sa eleksyon ang saulugon karon sa tibuok pilipinas kundi, karon mao ang adlaw sa tanang mga suga. Oo, mga suga, firefly, phillips, lampshade, lamparilya, kandila ug uban pa. Aw, unya sa, dili diay suga nga musiga uy kundi suga sa panimalay. Ang suga sa panimalay nga gitawag nakog Nanay, ang mga mama sa kasilinganan, ang mga mamang sa mga anak sa probinsya ug ang mga mommy sa mga kwartahan.
Sa dili pa nato saulogon ang kadaugan ni Governor ug Mayor, magsaulog una kita sa adlaw sa atong mga inahan. Usa ra ka adlaw kung atong saulugon ang "Mother's Day" dili lang sa Pilipinas kundili nationwide. Angay gayod kitang magpasalamat sa atong mga inahan kay ug kung dili pa tungod sa ilang pag-utong samtang sila nagbati sa hospital, aw siguro nisiga na atong mga mata samtang nag-ungot atong liog sa ilang bilahan. Magpasalamat ta sa kanunay nilang pagpangga, pagpangasaba, pagyaw-yaw sa kabuntagon, ug ilabi kon kita walay kwarta para ipa-load, sila atoang load retailer, wala sila maninda ug load pero sila atoang pangayuan ug kwarta. Angayan lang sila nga tawgon ug "inahan sa kanunayng pangayo."
"Ayta kwarta Ma!" ang malambing nga pulong nga sagad natong ilitok kauban ang pagsuksok nato ilawom sa ilahang mga ilok. Ambot sad kaha ug nganung sa mama man gyud ta mamarayeg kung kita naay panginahanglan. Ug ikumpara sad ang bonding sa mama ug papa, mas lahi ra gyud ang bonding ni mama. Mas mosabot si mama sa atoang mga kaligutgot ug gibati.
Gimabdos kita sa atong mama siyam ka buwan. Siyam kita ka buwan sulod sa iyang tiyan nagduwa ug tubig-tubig. Aw unsa ba uy, nagtikungkung ra diay hahaha. Sa dihang naa pa ta sa tiyan ni mama, ang iyang gikaon mao usab ang atong gikaon. Ang iyang giinom mao usab ang atoang giinom. Magpasalamat gyud ta ug dako kay wala mikaon si mama ug heringga para sa mangga, ug wala usab siya moinon ug espesyal nga tubig nga gamitonon kung kita manglimpyo ug C.R. Mao diay nga masakitan gyud ang inahan kung suklan ug anak ug moingun dayon, "maayo pag wala tika giutong!" Lalim ka ana! Pero kahibawo ko nga wala gyud kana mahuna-hunai sa atong mga mama. Kay ug kung dili siya muotong samtang nagbati, doble gyud ang gasto.
Balikon ta, saludohan ang tanang inahan sa tibuok kalibutan labot ang mga inahan nga alien sa mars ug jupiter, Joke!
Sa tanang nanay, mama, mamang, inay, inang, nanang, mommy, momsie, momskie, mamu, happy mudras day!
Bitaw sa tanang inahan nga dunay daghang anak, gamay ra ug anak, walay anak pero murag naay anak. Sa mga inahan sa kanunayng panabang ug kanunayng pangayo. Sa mga inahan nga maayo moatiman, sa mga inahan nga walay kabilinggan, sa mga batang inahan nga wala pay buot ug sa mga mamahimong inahan puhon, gikan sa akong dughan, Happy Mothers Day!!!
---juderic neri
